Galaxy Note 6 អាច​នឹងមាន​អេក្រង់​កោង​

ស្មាតហ្វូន​ដែល​មាន​អេក្រង់​កោង​របស់​ ​Samsung​ ​គឺ​ជា​ផលិត​ផល​ដែល​ទទួល​បាន​ការ​ស្វាគមន៍​ពី​អ្នក​ប្រើ​ប្រាស់​ជា​ច្រើន​ជុំ​វិញ​ពិភពលោក​។​ ​​យោង​តាម​ gsmarena បាន​ឲ្យ​ដឹង​ថា​ស្មាតហ្វូន​ជំនាន់​ក្រោយ​របស់​ ​Samsung​ ​ម៉ូដែល Galaxy Note 6 គឺ​នឹង​មាន​បំពាក់​នូវ​អេក្រង់​កោង​។​

ចំពោះ​ ​Galaxy Note 6​ ​គឺ​អាច​នឹង​ចេញ​លក់​ក្នុង​ខែ​កក្កដា​ ​ឬ​ ​សីហា​ ​ឆ្នាំ​ ​២០១៦​ ​ដោយ​ខាង​​ Samsung ​ បាន​ធ្វើ​តេស្ត​រួច​រាល់​សម្រាប់​ស្មាតហ្វូន​ម៉ូដែល​នេះ​។​  ​Galaxy Note 6​ ​ត្រូវ​បាន​គេ​សន្និដ្ឋាន​ថា​មាន​ពីរ​ម៉ូដែល​ ​គឺ​ម៉ូដែល​ ​Note 6 និង Note 6 Edge​ ​(​មាន​អេក្រង់​កោង​)​។​ ​វា​មាន​បំពាក់​នូវ​អេក្រង់​ទំហំ​ ​៥,៨​អ៊ីញ​ ​ប្រភេទ​ ​ ​QHD Super AMOLED​ ​ ហើយ​ថែម​ទាំង​មាន​កាមេរ៉ា​ក្រោយ​ ​ដែល​អាច​ចាប់​រូប​ភាព​បាន​ក្នុង​កម្រិត​ ​១២មេហ្គាភិចសែល​ផង​ដែរ​។

​ ​

Galaxy Note 6 ត្រូវ​បាន​គេ​អះអាង​ថា​ជា​ស្មាតហ្វូន​ដែល​មាន​ប្រតិបត្តិការ​លឿន​បំផុត​ព្រោះ​វា​មាន​ ​RAM​ ​រហូត​ដល់​ទៅ​ ​6 GB អម​ជា​មួយ​នូវ​បន្ទះ​ឈីប​ប្រភេទ​ ​Exynos 8 Octa​ ​ជា​ឈីប​ដែល​ផលិត​ដោយ​ ​Samsung​ ​ផ្ទាល់​តែ​ម្ដង​។ ប៉ុន្តែទោះ​ជាយ៉ាង​ណា​ សម្រាប់ការដឹងពីរូបរាង និង​លក្ខណៈ​លម្អិត​ពិតនានារបស់ Galaxy Note 6 គឺ​មាន​តែ​រង​ចាំការ​បង្ហាញ​ជាផ្លូវការ​របស់ Samsung តែប៉ុណ្ណោះ​៕

ប្រភព​៖ សប្បាយ