បុរសម្នាក់បើករថយន្តពីព្រះសីហនុមកភ្នំពេញជ្រុលចង្កូតក្រឡាប់ធ្លាក់ផ្លូវ ស្លាប់បាត់បង់ជីវិត

ព្រះសីហនុ៖ បុរសម្នាក់បើករថយន្តមួយគ្រឿងម៉ាក CAMARYHYBRID ពណ៌ស ពាក់ស្លាកលេខ ភ្នំពេញ 2AG-1713 តែម្នាក់ឯង ក្នុងទិសដៅពីខេត្តព្រះសីហនុទៅភ្នំពេញ បានជួបគ្រោះថ្នាក់ធ្លាក់ចិញ្ចើមផ្លូវគ្រួសក្រហម រួចជ្រុលទៅបុកនឹងបង្គោលសុវត្ថិភាពក្រឡាប់ផ្ងារជើង បណ្ដាលឲ្យស្លាប់ភ្លាមៗក្នុងរថយន្ត។

ករណីគ្រោះថ្នាក់ចរាចរណ៍ខាងលើ បានកើតឡើងកាលពីវេលាម៉ោងជាង១១យប់ ថ្ងៃទី០៦ ខែមីនា ឆ្នាំ២០១៦ ស្ថិតនៅតាមបណ្ដោយផ្លូវជាតិលេខ៤ ចន្លោះគីឡូម៉ែត្រលេខ ១៥៣-១៥៤ ក្នុងភូមិសឹ្ទងឆាយខាងត្បូង ឃុំសឹ្ទងឆាយ ស្រុកកំពង់សីលា ខេត្តព្រះសីហនុ បណ្ដាលឲ្យអ្នកបើកបរ ឈ្មោះ អ៊ុច សារិទ្ឋ ភេទប្រុស អាយុ៣៦ឆ្នាំ មានទីលំនៅផ្ទះលេខ៧៧A ភូមិចំរើនផល សង្កាត់បឹងទំពុន ខណ្ឌមានជ័យ រាជធានីភ្នំពេញ ស្លាប់នៅនឹងកន្លែងកើតហេតុ ហើយរថយន្តរងការខូចខាតទាំងស្រុង។

ក្រោយកើតហេតុ សមត្ថកិច្ចស្នាក់ការអាវុធហត្ថ ៤០២ រួមនឹងប៉ូលិសស្រុក ក៏បានជួយអន្តរាគមន៍នៅកន្លែងកើតហេតុ ដើម្បីរៀបចំប្រគល់សាកសពជូនក្រុមគ្រួសារទទួលយកទៅធ្វើបុណ្យតាមប្រពៃណី រីឯរថយន្តរក្សាទុកនៅប៉ុស្តិ៍នគរបាលស្ទឹងឆាយ៕

ប្រភព៖ kqube

មតិយោបល់