តូចចិត្ត និងកូនស្រីរត់តាមប្រុសលោកតាអាយុ៨៣ឆ្នាំ ម្នាក់ចងករសំលាប់ខ្លួន

ខេត្តត្បូងឃ្មំុៈ នារីម្នាក់បើទោះបីមិនបានលើកដៃសំលាប់ឪពុកខ្លួន ដែលមានវ័យ៨៣ឆ្នាំនោះក៏ដោយប៉ុន្តែទង្វើរ និងសកម្មភាពរបស់នាងបានសំលាប់ជីវិតលោកឪពុករបស់នាង ដោយប្រយោលរួចទៅហើយ ។ ហើយរឿងរ៉ាវទាំងនេះ បានកើតឡើងទៅលើបុរសចំណាស់អាយុ៨៣ឆ្នាំម្នាក់ ដោយសារតែ តូចចិត្ត និងកូនស្រីជាទីស្រលាញ់របស់ខ្លួន ដែលខំចញ្ចឹមបីបាច់ថែទាំតាំងពីនៅតូច បែរជាសងគុណលោក ដោយការរត់ទៅតាមប្រុសនិងធ្វើឲ្យ ប្រាស់ចាកប្រពៃណីទំនៀមទំលាប់ដូនតាដ៏ផូរផង់ ហើយលោកតាក៏សំរេចចិត្ត ចងកបញ្ចប់ជីវិតគួរឲ្យសង្វេកទៅ។

ហេតុការណ៍នេះកើតឡើងនៅវេលាម៉ោង ៧,៣០ នាទី ថ្ងៃទី៣ ខែមិនា ឆ្នាំ២០១៦ ស្ថិតនៅភូមិក្តុលក្រោម ឃុំទន្លូង ស្រុកមេមត់ ខេត្តត្បូងឃ្មុំ ។

លោកអធិការនគរបាលស្រុកមេមត់ ហុង គឹមហឿន បានបញ្ជាក់ប្រាប់ថា បុរសវ័យ ៨៣ឆ្នាំខាងលើ មាន ឈ្មោះ មៀច វ៉ែន លោកតាបានសំរេចចិត្ត យកខ្សែអង្រឹងចងកនៅនឹងដើមរាំងនៅវាលស្រែរបស់ខ្លួន ស្ថិតនៅភូមិក្តុលក្រោម ឃុំទន្លូង ស្រុកមេមត់ ខេត្តត្បូងឃ្មុំ ដោយមូលហេតុ ខឹងកូនស្រីរត់តាមប្រុស ។

ហើយបច្ចុប្បន្នសាកសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ៕